Chapter A8
atha bhagavān auṣadhiprayogān uvāca.putreṇa kāryī baka vṛkṣapuṣpaṃ kṣīraiḥ samāloḍya pibed vratasthaḥ.tasyāpi nārī ca sapoṣadhena pibed bhavet putravaraḥ sabhāgyaḥ..mantreṇa cānena vacāphalāni piṣṭāni dugdhena pibanti yās tu.putraṃ labhante nṛpalakṣaṇena tā yoṣitaḥ poṣadhikā yadi syuḥ..lakṣaṇākṣa mūlaṃ payasā pibed yā snānāvaśeṣe labhate suputram.siddhārthamūrtiṃ paripūrṇadehaṃ śastreṇa śāstreṇa viśāradīkṛtam..unmūlayitvā jalaśītalāyā ādāya mūlaṃ nihitaṃ śiroje.saptābhimantrīkṛtakaṃ tad eva nāśej jvarāṃ vārṣikāṃ kṣaṇena..ādāya mūlaṃ kanakasya yogī cāturthakenāpi nipīḍitasya.śiroruhe tasya nidhāpayed yo jvarair gṛhītasya jvarān apāsyet..iṣṭāladhūmaṃ lavaṇāranālaṃ dvirepharājasya rasena yuktam.pātre ca tāmre nyāsta ghṛṣṭapiṣṭaṃ karoti kācasya vināśanaṃ ca..mūlaṃ samunmūlya sitoccaṭasya dugdhena piṣṭvā tu pibed yatheṣṭam.ūrdhvaṃ bhavel liṅgavaraṃ narāṇām anena mantreṇa śatārdhajaptam..nāgābhidhānā hi dharā prasiddhā dugdhānvitā sā ca karoti liṅge.balaṃ saśukraṃ janakaṃ prajānāṃ mantreṇa cānena śatārdhajaptā..gorocanaṃ nirdaśanasya lolāṃ nṛparājamūlāni śubhe ca ṛkṣe.kāryaṃ ca tena tilakaṃ lalāṭamadhye trilokasya vaśāya yuktam..mṛtasya netraṃ hṛdayaṃ ca lolāṃ lalāṭamāṃsaṃ ca tathaiva nāsām.saṃgṛhya piṣṭvā ca vipācya taile puṣye ca ṛkṣe vaśakṛj janasya..phaṇīndrarājasya śiroˈñjanena śukreṇa raktena kusuma nāmnā.tenāñjanenāñjitalocanās tu rājñāṃ mahiṣīṃ vaśam ānayanti..anena mantreṇa śatārdhajaptau pādau kṣitau yatra niveśayec ca.jānanti vittāni mahīgatāni tayor dvayoḥ spandanamātrakeṇa..pāde sirā sphurati cordhvagatā bhavec catad dūrage draviṇam asti vadanti siddhāḥ.yatrāsti vittam iti śrotra puraḥsareṇavidyādhareṇa vasudhātalam īkṣitavyam..chucchundarikā cūrṅaṃ guggulasārdhaṃ pralepamātreṇa.mattadvipakalile pathi tenābhyaktaḥ sukhaṃ prayāti..atyantakṛṣṇa kukkurīpayasi samutthitena sarpiṣā liptaṃ.karabhatvaṅniṣpannapādukam ākramya nīre bhramati..piṅgalasaṃkucakaṇṭaṃ gṛhamadhye gopya kallabālasyamadirānāśaṃ kurute tasyonmūlena bhadrikā bhavati..pāke kulālaracite vajrāhatakāṣṭhakṣepaṇād vahniḥ.na jvalatīti na citraṃ madirā sekāt punar jvalati..mantraṃ japtvā mūlyaṃ prasāryam abhimantrya vittilokānām.vikrayam akarod yogī ativittā bhavanti vāṇijāḥ..markaṭagūthe kṣepād bīje madirā nāśatāṃ yāti.varuṇadalodakalepād bhāṇḍaṃ tac ca punar yogyam..bakuladalavārisekāt svasthā bālā bhavanti mātarāḥ.dhūpād bhūta keśāt kāṣāyaprāvṛtāś cāpi..stanam udgirako bālo lepāc chikhipicchabhasmano galake.svasthaḥ syāt punar etadyogottamasuprabhāvena..padakavacā vidhiyuktā vidadhati śīśakadale khanitāḥ.bandhanaśastrāprīter nāśaṃ vadanodare nihitāḥ..kṣa ma ra ya kārair yuktāḥ piṇḍāś caikāra bhūṣitāḥ sarve.padakavacānām ante caturaṇḍaṃ yojayed dhīmān..aikāro bindur ekaḥ ka ṣa iti ca ta ṭaḥ ṣaṣṭhavargāntasaṃsthobījaṃ vāyor arandhraṃ jvalanaparigataṃ binduśūnyottamāṅgam.āgneyāc cāt tavargaḥ plutam aparatataḥ sarvavarṅāgrasaṃsthāete saṃpattim agrāṃ vidadhati niyataṃ nāmayogaṃ vinaiva..dṛṣṭapratyayo ˈyaṃ saṃprayogaḥ..daṇḍotpalā śarapuṅkhā nicūla girikarṇikātoyena.saptaniṣekaṃ dattvā śīśaka pattre likhed dhīmān..haḍinigaḍānāṃ bandhanaṃ śastrāṇāṃ varṣaṇaṃ ca saṃgrāme.anyeṣām apy aprītiṃ nihanti siddha mahā mantram..bāhau vidyāṃ kṛtvā yo dhatte mantrarājam abhilikhya.sa bhavati dhanadasamāḍhyo ˈkṣayavitto ˈpy adhṛṣyaś ca..oṁ kurukulle svāhety anena mantreṇa pātram ālabhyadeśe durbhikṣatare bhikṣur bhikṣāśanaṃ labhate..utpalakandakaśeruṃ kṣīrair āloḍya yā piben nārī.stambhayati ca sā garbhaṃ niyataṃ karma svakenāpi..māgadhikāpañcaphalaṃ pīṣṭvā kṣīreṇa yā piben nārī.prasavati sā sukhayuktā etanmantraprabhāveṇa..nimbaṃ vāruṇapattraṃ piṣṭvā vajrodakena yā nārī.yonau lepaṃ dadyāt prasavati sukhinī sukhaṃ potān..gajamāgadhikā savacā hayagandhā māhiṣyaṃ ca navanītam.vālāyukto yogaḥ kurute stanasādhane vṛddhim..kumbhāṇḍīphalayukto yogaḥ kurute mūlasādhane vṛddhim.aśane sarve bhukte yo vā toyaṃ pibec ca nāsikayā.śiraso ˈkālapalitaṃ stambhayati sa mantrayogātmā..avasanikāyā mūlaṃ kākamācī kanakabījasaṃyuktaṃ.karpūranīrapiṣṭaṃ varāṅgalepāt sravanti ghananāryaḥ..acyutasuratād viratā na vaśati patyau nādaraṃ ca kuryāt.māraṇam api vidadhāti ca taccyuti hetor ayaṃ lepaḥ..śūkaratailādhāre dīpaṃ prajvālya surata saṃyoge.āśukāmo ˈpi jano yaḥ sa ciraṃ śroṇyāṃ vasen nāryāḥ..vajrānala gṛhadāhe madyaṃ prokṣyanti ye narā mantraiḥ.nirvāpayanti vahniṃ yogo ˈyaṃ lokanāthasaṃgaditaḥ..athāparo ˈpi prayogo bhavati.candramaṇḍalamadhye daśadalam utpalaṃ vilikhya pratyekadalāgre oṁ tāre tuttāre ture svāheti vilikhya varaṭake ˈpi tāṃkāra madhye devadattaṃ vaśam ānayeti. tāṃkāram api om aḥ kurukulle devadattaṃ vaśam ānaya hrīḥ ityanena veṣṭayet. candramaṇḍalād bahiḥ oṁ prasannatāre prasanne prasannakāriṇi devadattaṃ vaśam ānaya hrīḥ ityanena mantreṇa veṣṭayitvā ito ˈpi bahiḥ ṣoḍaśadalam utpalaṃ vilikhya pratyekadalāgre oṁ prasannatāre prasanne prasannakāriṇi hrīḥ devadattaṃ vaśīkuru hrīḥ ityanena mantreṇa veṣṭayitvā ito ˈpi bahis triṣoḍaśabhir akṣarair veṣṭayet. lākṣāgorocanena raktacandanena kuṅkumakarpūraraktair bhūrjapattre sikthakena veṣṭya trimadhure sthāpya raktopacāreṇa trisandhyaṃ pūjayet. vaśībhavati na saṃdehaḥ..
athāparo ˈpi prayogo bhavati.ṣoḍaśadalam utpalaṃ vilikhya pratyekadale a ā i ī u ū ṛ ṝ ḷ ḹ e ai o au aṃ aḥ madhya varaṭake ˈpi oṁ haḥ kurukulle devadattaṃ vaśam ānaya haḥ svāhā. utpalabāhye oṃkārapaṅktitrayeṇa veṣṭayet. vaśībhavati na saṃdehaḥ..
ap8.40evam avocan nāthaḥ parṣanmadhye sthitāś ca ye sattvāḥ potalake nagarāje paraduḥkhair duḥkhito bhagavān. tan nāsti yan na buddhā bhūtāḥ sattvārthakāriṇo niyataṃ. neyam apūrvī caryā naṣṭā. unnayanaṃ punaś cakruḥ..
ap8.41idam avocad bhagavān avalokiteśvara āttamanās te ca bodhisattvāḥ mahāsattvāḥ sā ca sarvāvatī parṣat sadevamānuṣāsuragaruḍagandharvaś ca loko bhagavato bhāṣitam abhyanandann iti..
iti śrībhagavatyāryatārāyāḥ kurukullākalpo ˈṣṭamaḥ samāptaḥāryakurukullākalpaḥ samāptaḥ.. tārārṇavamahāyogatantrāntaḥpātitārodbhavād uddhṛta iti